中年好聲音2│林若盈出局網民狂踩A貨Sammi 料譚輝智將被淘汰：可能因為……
歌唱真人騷《中年好聲音 2》昨晚（3 日）播出一集，已經進入9強戰，該集更以《聲夢傳奇》學員與《中2》參賽者合唱，以增加噱頭。由於賽事接近終點，播出後都引起好多網民談論，而且各有喜好，越來越多人讚而且看好譚輝智會勝出。而連續多集以來，經常會在節目感觸落淚的林若盈則最不被看好，觀眾批評林若盈以「賣慘」做焦點。不過林若盈只得80分，最後被淘汰，突然有網民戥她不值，覺得要淘汰的另有其人。
同場加映：孔德賢望年輕演員多磨練多進步 「作品唔可以抹走過去但睇到努力」
《中2》10強選手跟聲夢學員合唱，安雅希＋黃洛妍（Janees）獻唱《我不難過》，聲線上盡顯合拍，加上充滿感情的歌聲，令評審十分感動，肥媽最眼淺落淚，最終兩人獲得全晚最高分 92 分。張佳添大讚：「有啲似上次安雅希同支嚳儀唱《如願》，我係拆唔到嚟畀分，當Janees 唱『讓我走』嗰度，我直情係感 動，安雅希去到中間時有一種遇強愈強嘅感覺，你個聲音係籠罩住呢個場，聽到好Touching。」最後，伍仲衡更再度頒發MVP給安雅希，使她第3度獲加許。
林若盈＋趙小婷合唱《一加一》，卻未能發揮到水準，兩人被評判批揀錯歌，評審陳慧嫻直言：「你哋今晚好似唱遊咁，冇咗一山比一山高嘅感覺，聽完好似冇咩聽到咁。」最後只得 80分，只能10強止步。林若盈自知經常在節目中喊，她說：「我好想講，我每次喺台上流嘅都係幸福嘅眼淚，入到 10 強我覺得好感恩。多謝五位評審老師令我好想繼續進步，可以好開心咁唱歌，多謝媽咪每次都煲定好多嘢畀我飲，同埋要多謝 Mable（曹敏寶），因為係佢迫我參加呢個比賽！」
事後，曹敏寶在IG貼出與林若盈以往的合照，曹敏寶出帖文鼓勵，還自稱是林若盈的歌迷，「無諗過你喺台上多謝我咁好攞膽架喎，喜歡唱歌，就必須要磨鍊自己，有機會要站出來唱給大家聽，當初我也是被好友拉出來的，所以必須捉埋你出嚟，我想講，你在舞台上，唱得越來越好越穩定，我最愛你演繹的《夢一場/限期》，我在台下聽得如癡如醉，繼續加油。」
節目播出後，網民一如以往急不及待在討論區討論。在10強之中，林若盈和陳蒨葶一直被批評唱功差，好多網民質疑比賽公信力，覺得為何兩位女參賽歌手會仍然留在比賽之內。昨晚播出後，立即有人開帖文寫：「平心而論，今個回合唱得最好聽真係安雅希+James，第二好聽係宗賢+Sabina，最難聽絕對係A貨Sammi，慘盈其實唔係太差，有少少戥佢唔抵…不過佢遲早都係要走。」而參賽以來，陳蒨葶一直被指有鄭秀文（Sammi）的影子。
另外，亦有人留言，「我會建議陳蒨葶都是謙虛一點吧，看她說和文凱婷合唱指自己聲線厚點，又說一些意見像是提點文凱婷。但正式跳唱時，怎麼陳蒨葶妳表現無論肢體表現及唱功都明顯差於對方，令人失望。」
帖文還有不少人和應，「最憎就係佢成日以為自己係Sammi 2.0」、「唱到走晒音啦」、「重點係今日著到70年代MK咁，舞姿好似60年代！土味十足！仲要話佢跳唱好D？想佢快out先甘講！文今日反而比佢拉低成個表演！去廟街啱佢」、「唔知把聲厚咗响邊，又sharp 又 flat」、「我都覺得A貨差過橙」。
節目尾聲預告下集，譚輝智終被讚唱歌時沒有懶音，更有網民批「下集輝智好似爆高分」，不過有心水清支持者，則有粉絲擔心他走勢會下滑，「輝智呢兩集分數加埋落後好多呀，可能因為唔簽約會被淘汰，大家想睇佢就好睇埋呢兩集喇 ……（傻啦，如果我寫劇本，我都會將其中一個大熱門寫到面臨淘汰邊緣，等大家心慌慌，最後成功扭轉劣勢入到決賽，等大家嚇餐死）」。
撰文：娛樂組
港生活人氣娛樂新聞
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
