伴侶現職紀律部隊 有結婚生育打算 先與父母同住再輪侯宿舍定係買樓好？
買樓可能係唔少人嘅夢想，但最終決定買唔買樓都要視乎不同嘅情況，最近就有網民喺香港討論區上發帖，表示自己女朋友現職紀律部隊，正在糾結結婚後應該先與父母同住現居嘅居屋，然後再等大概10年去輪侯宿舍抑或係買樓搬出去住，而對於呢個情況，一眾網民都紛紛提出唔同意見！
同住要小心婆媳關係？買樓作放租投資？
樓主表示自己現年二十八歲，並與父母同住於居屋，屋內雖有足夠空間供結婚後與件侶同住，但買樓置業則為樓主嘅夢想，亦希望可以有獨立空間以及有生育嘅打算，但父母並無儲蓄，退休後需靠樓主供養，因而亦怕買樓後負擔太重，無法照顧父母，另外伴侶則現職紀律部隊，雖可以輪侯宿舍，但需時接近10年，所以就令樓主苦惱不知應儲多幾年錢去買樓或是先與父母同住去輪侯宿舍比較好。
對於樓主嘅情況，有網民就唔建議婚後與父母同住，認為應該要買樓：「我建議你買，私人空間好重要，要等10年先有宿舍就耐咗d(啲)」、「有能力就買，同住婆媳關係搞死你」、「唔知你老婆同你老豆老母咩相處關係，今時今日基本上九成女人都唔x想同老爺奶奶住，避免不必要麻煩最好買樓搬出去住，何況你仲要生細路，最多咪住近d(啲)，到時生左有個照應」
亦有網民認為可一邊等宿舍一邊買樓放租：「買！一定要買！不急於買，但睇得啱的就買，唔自住可以放租當投資」、「有宿舍可以住成世係幾好，但我都識好多紀律部隊，其實自己買咗樓然後放租，自己去住宿舍」、「應該買樓等宿舍。我自己就係行依條路，依家住緊宿舍，層私樓放租，不過住左宿舍後就困身，我好多同事本身成功轉其他部門就因為住緊宿舍，最後放棄轉工，但日日返工就唔開心」
有網民認為婚後若與父母同住有機會使婆媳關係變差，買樓有私人空間會較好。
有網民則認為在等待輪侯宿舍期間可以先買樓用作投資及放租。
有屋住可睇定啲？樓市現況唔適合買樓？
眾意見當中亦有網民支持唔買樓，並就認為樓主本身有屋住，並無買樓嘅迫切性：「本身有屋住，唔係租緊樓，唔係急需」、「如果可以一齊住，遲早又會有政府宿舍，又無迫切性。純粹為夢想，就可以睇定D(啲)先」、「個人認為都係同家人同住，首先父母需要供養及照顧，一齊住會方便好多，有事也容易照應，其次間屋早期已買入，加上有足夠空間居住，這已經比出面不少人好，至少唔係因為地方不足而焗住出去租住，已省不少租金及日常洗費，是效益最大化的方法」，亦有網民認為買樓後供樓會使生活變得艱苦：「買左樓，頭幾年，唔洗諗去旅行，食飯去玩都要計住計住」、「每個月你地兩個得返一半錢用，仲要養埋個細同兩老，會好辛苦」、「基本上一供緊樓，生活就慘過窮人」
另外有一部份網民則認為現時樓市情況不樂觀，應避免於短期內買樓：「如果呢一刻，我會睇定啲先」、「而家係cash is king既時代，(現時)加息+縮表。梗係等下先買啦。萬一買左，同區新盤劈2成開售，即刻變蟹」、「睇定D(啲)，反正樓市一係撗(橫)行，一係跌，太高了升唔到」、「到減息果(嗰)時先買都未遲啦！到時大把靚盤你揀」、「都有宿舍住仲買咩樓，而家風高浪急仲入賭場賭大細？」，亦有網民建議可將儲蓄作其他方面嘅投資：「應該等宿舍，成本最低風險最少，我有資金作其他投資，保守就定期，進取啲就分注收息股」、「有舊錢咪做下幾個月定期」
有網民認為樓主屋企有足夠空間於婚後供兩人居住，不用急於買樓。
亦有網民認為現時因銀行加息及縮表等原因，不適合入市買樓。
============
同場加映：
【蝸居睇樓團】348呎堅尼地城舊樓上車盤大翻新 7呎闊衣櫃無地台套房、玻璃間隔牆增空間感
港生活人氣本地熱話
↓【限時搶⚡】原箱高鈣梳打餅↓
↓黑芝麻 / 芥末味｜口感香脆、高鈣健康↓
【社群送禮🌸】送您麒麟一番搾啤酒及「和風櫻花禮品套裝」！
↓簡單一步登記贏禮物！↓
