曾比特初嘗爆紅滋味否認入行因姜濤效應 罕有剖白拍拖6年靠一個行為派女友定心丸
樂壇新晉男歌手曾比特（Mike）近期憑歌唱節目《聲生不息》而人氣急升，更於內地爆紅，收穫了不少「爆炸糖」（曾比特的粉絲名）。Mike日前就接受港台節目《舊日的足跡》的訪問，首度剖白初嘗爆紅滋味的感受，直言：「我唔覺得紅定唔紅，我冇太大概念。我最想戴住頂帽去旺角買格仔餅食。我只係一個普通人。如果要用4個字嚟形容，就係『不知所措』嘅感覺。」
曾比特（Mike）一向熱愛唱歌，雖然在中三那年獲得校內歌唱比賽冠軍，但沒有因此讓他增添自信，因為從小到大自覺「唔靚仔， 而且太肥」，對自己的外型沒有信心。即使於2019年參加《全民造星II》前也考慮了很久，「我參加呢個節目唔係因為姜濤效應，而係節目畀到我一份熱血嘅感覺」，又表示多得媽媽一直的鼓勵，才讓他放心去做，不要介意結果。
►App《U TV》專區超過50個自家製節目任睇
「爆炸頭」是Mike的標記，原來這個獨特的髮型是遺傳自曾媽媽的，全家人只有媽媽和他是天生「鬈毛」。對此，他曾覺得麻煩多於喜歡，故自兒時直至中學都把頭髮「剷青」，長大了才留長髮。他笑言自己要一段時間才能接受這個髮型，想不到現在它竟成為了出道以來的標誌。
談起與林子祥合唱《單車》時，Mike的內心其實有種遺憾的感覺，罕有剖白對亡父的記憶：「爸爸喺我10歲時走咗。我5、6歲先由汕尾到香港同家人團聚，期間4年爸爸好忙，大家見面唔多。收到消息嘅時候，我上緊堂，學校職員帶我去醫院，我唔知發生乜嘢事，喺的士上我唔明佢講乜嘢『冇事冇事』，去到醫院就見到媽媽同姐姐喊到死去活來，原來爸爸已經走咗......我最難忘嘅就係我喺汕尾讀咗一個學期嘅一年班，喺香港再重讀幼稚園。當時我最希望爸爸接我放學，因為佢會一手抱起我騎膊馬，好高，好開心，跟住我哋會去行吓商場......」
現時仍身處內地的Mike，對於暫時維繫異地戀，就坦言好掛住女朋友：「我哋喺教唱歌嘅時候認識，依家感情愈嚟愈好，梗係要畀安全感佢。溝通好重要，為咗畀定心丸佢，我買咗部琴喺酒店練習，基本上我大部分時間都喺酒店房間。我哋拍拖差唔多六年，我希望盡快結婚，但諗起而家只係事業起步階段，必須考慮將來嘅生活。我喜歡佢因為佢唱歌好好聽，無論生活上、舞台上佢都係一個好charm嘅人，成日都有一個好吸引人嘅笑容。」
圖及來源：IG@各藝人、節目截圖
港生活人氣娛樂新聞
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
