21歲姜濤為中風爸爸擔起養家責任成經濟支柱 自曝童年慳家苦況試過一碗公仔麵兩父子食
姜濤自從2018年參加《全民造星》第一季大熱獲得冠軍後，與其餘11位隊友組成跳唱男團MIRROR，人氣暴漲，兩年多以來都是組合最受歡迎的成員之一。2020年，姜濤更在叱咤樂壇頒獎禮上，以史上最年輕的紀錄奪得由樂迷投選的「我最喜愛的男歌手」及「我最喜愛歌曲大獎」，風頭一時無兩，唱歌表現亦備受讚賞，成功令更多人關注姜濤。
姜濤（姜B）早前接受陳志雲訪談節目《Stephen·傾》就透露去年中風的爸爸最近已經出院回家休養，而年紀漸大的媽媽亦身體抱恙，所以年僅21歲的姜濤就承擔起養家的責任，成為家裏的經濟支柱。姜濤就話，本來是上海菜廚師的爸爸中風之後就不能再工作，於是自己就肩負起重擔，「希望搵多啲錢令佢哋生活好啲」，亦表示父親對這次的失業感到安心，因為有兒子姜濤的支撐。
姜濤更講起童年時慳家的經歷，雖然不算是憂茶憂米，但就曾經試過早餐的一碗公仔湯麵，姜B吃麵，而爸爸就飲麵湯。如今，姜B人氣旺盛，廣告邀約接不停，相信都已經大大改善到家境不太好的情況，還可以給予父母更好的生活。
姜濤又謂，入行之後很少時間陪伴父母，不過父母表示會在背後支持姜B，讓姜B冇顧慮地向前衝。姜濤更談及入行之前對父母的陪伴，當時並不覺得是一個很值得珍惜的時間，因為人擁有得太多，就覺得是理所當然。入行之後，只要擠出少少時間陪伴父母，就覺得是非常開心的事了，可見年紀輕輕的姜B已經非常懂事。
姜B更明言平日鮮有對父母說出肉麻的說話，會用「帶你出去食嘢啊」，來展示自己對父母的孝順和愛意，但就被提醒即使平日不擅溝通，亦需要「蒙着嘴說愛你」，要把對父母的愛意宣之於口，隨後姜B亦對着鏡頭表達希望父母開心，不用擔心。
短短入行兩年多，姜B更講到在燈紅酒綠的娛樂圈裡，生怕自己行歪，不想行差踏錯，於是會將工作時間和私人時間分得非常開，因為想私底下仍然保持單純的初心過單調的生活，享受一人之境才比較自在，所以平日都甚少向MIRROR成員，甚至花姐談及心底話，唔多唔少亦形成個性孤獨的原因。
節目中，姜B亦分享年頭於叱咤樂壇頒獎禮獲得兩項大獎殊榮的感受，姜B直言自己仍未能承受「我最喜愛的男歌手」及「我最喜愛歌曲大獎」兩個獎項所帶來的重量，覺得自己實力未夠，仍然歸功於運氣，但會將獎項視之為進步的動力，努力做好音樂，令歌迷能驕傲地喜歡上姜濤，以作品說話。
圖及來源：《Stephen·傾》、節目截圖、IG@姜濤
港生活人氣本地熱話
↓【限時搶⚡】factiv CAT1 離子保濕潔膚乳↓
↓潔面、保濕、修復三效合一｜持續保濕洗面後不繃緊↓
【旅途無蝨】請您用AQUA PRO+TECH「驅蚊大師」滅菌驅蚊液 ！
