異空感應｜陳嘉輝演懦弱渣爸網民睇得肉緊 現實係才子型絕世好男人
TVB劇集《異空感應》熱播中，當中飾演「懦弱渣爸」邢有山的陳嘉輝表現引起網民關注，劇中講述他年青時因經不起引誘背著妻子淑娟（龔慈恩飾）偷食舞女莊玉玲（呂珊飾），誕下私生子Duncan（阮浩棕飾）。但現實中的陳嘉輝絕對是圈中知名「愛妻號」，更是才子型絕世好男人。
現實生活中的陳嘉輝，不但有情有義，更是圈中馳名愛妻號兼絕世好爸，陳嘉輝與太太梁小冰相愛足足三十年依然恩愛，是圈中廣為人知的模範夫妻，二人於2007年誕下兒子Lewis，一家三口感情甚佳。梁小冰曾開心分享老公的氹老婆大法：「我老公每日起身都會話：『你好靚喎』，結婚20幾年都係咁。同埋我性格係一有問題就會blablabla講出嚟，佢就叫我慢慢講、唔好嬲，同埋叫我可以選擇用另一種方式（表達），例如喺最嬲時唔好講嘢，寫出嚟，寫完幾千字都已經唔嬲啦。」
除了愛妻有道，陳嘉輝亦教子有方。梁小冰曾經大讚本身背劇本過目不忘的嘉輝，教到兒子經常默書100分！陳嘉輝更公開傳授背誦心得謂：「最重要係培養讀書興趣，理解課文內容；背劇本就主要係理解角色同故仔，死背會好快忘記。」為提升兒子讀書及背誦興趣，陳嘉輝與仔仔背書期間會加入玩樂成份的同時，還會討論及上網研究參考相關圖片短片。
其實陳嘉輝年青時頗有才氣，除曾以90分獲得第28屆香港學校朗誦節中二男子英語詩詞獨誦冠軍，畢業於香港理工大學土木工程系的他，亦曾在政府土木工程署任職工程監督。
港生活人氣娛樂新聞
↓【限時搶⚡】原箱高鈣梳打餅↓
↓黑芝麻 / 芥末味｜口感香脆、高鈣健康↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
