神耆小子｜角色介紹/演員陣容 Archie冼靖峰首擔要角 影帝鄭則士「肥貓」蛻變老虎狗
《神耆小子》角色介紹、演員陣容、劇情簡介、人物關係｜TVB新劇《神耆小子》演員陣容有鄭則士、蕭正楠、樊亦敏、冼靖峰、傅嘉莉、羅毓儀、曹永廉、吳子冲，劇情主要圍繞「查找綁架叛徒」風波，播放時間為5月6日晚上9時30分。
神耆小子劇集目錄
神耆小子｜分集劇情劇透預告
神耆小子｜劇情大綱
商人錢大海（鄭則士飾）在公司與家裡，都是一言堂！大海認定兒子錢繼來(曹永廉飾)能力不足，一直用高壓手段逼他進步。情人洪玫瑰（樊亦敏飾）多年來明示暗示，大海亦未答允給她名份。女兒錢有方（傅嘉莉飾）背着父親創業，大海覺得有方叛逆，使計侵吞其心血。
大海遭綁架，獲公司職員趙一鳴（冼靖峰飾）相助脫困。大海有感身邊人都有嫌疑，遂住進一鳴家，要他暗中調查；怎料一鳴之父趙子勇（蕭正楠飾）竟是有方前男友，當年被大海棒打鴛鴦。大海向來視金錢比親情重要，想法卻隨着與一鳴的相處，有所改變……
神耆小子主題曲｜尹光唱主題曲《一家之主》
鄭則士挾兩屆影帝之名帶動台前幕後
《神耆小子》由兩屆金像影帝得主鄭則士（Kent哥）夥拍劇集界新丁冼靖峰（Archie）攜手演出，故事講述白手興家的零食集團「勁威威」CEO錢大海（鄭則士飾），由於硬淨成性，無論在商場或屋企均是「有佢講冇人講」；面對大海的高壓手法，兒子繼來（曹永廉飾）、女兒有方（傅嘉莉飾），及情人知己洪玫瑰（樊亦敏飾）表面言聽計從，實則各有各陽奉陰違，大海對三人亦存有極大疑心，經常以遺囑作為威脅三人籌碼…
一天大海上班途中突遭綁架，綁匪聲稱是其家人指示，自此「查找綁架叛徒」風波一觸即發，偶爾路過綁架現場的趙一鳴（冼靖峰飾）在「冇得揀」的情況下成了大海私人偵探，並遭威逼收留大海；豈料回到家竟發現父親子勇（蕭正楠飾）與大海有陳年血海深仇；主角們錯綜複雜的關係、配以出乎意料的劇情發展，及充斥抵死鬥氣金句的場口，輕鬆惹笑之餘不失懸疑。
鄭則士演足50年堅守一個原則獲讚專業
1974年已開始為無綫拍攝劇集的鄭則士（Kent哥），演出過無數經典影視作品，當中最為人津津樂道的角色絕對是肥貓，當年Kent哥亦是因《肥貓正傳》與《神耆小子》監製王偉仁（Simon）結緣。為了凸顯Kent哥錢大海一角的霸道，Simon專誠為其設計了「老虎狗」Image，並大讚認識了近三十年的Kent哥易話為，亦是整套劇集的靈魂人物，Simon說：「只要Kent哥喺度，所有演員同台前幕後都會寧舍開心同埋專注。Kent哥有一樣嘢真係幾十年都咁專業，就係佢永遠唔會遲到、仲例必比通告時間早半小時到做準備，好值得欣賞。」
冼靖峰細數鄭則士3大超暖心行徑
冼靖峰（Archie）Archie受訪時笑言全靠Kent哥貼身指點，並細數Kent 哥3大暖心行徑，首先是教講對白加揣摩角色，然後是近乎24小時貼身指導及慰問，第三點則是樂於與後輩分享人生經驗：「由Day 1去到最尾嗰日，Kent哥都係教緊我嘢，佢知我演戲經驗好少，佢唔單止教我講對白，仲教我點分析角色同揣摩角色對於故仔嘅功能。同Kent哥拍完每場戲，喺休息時間佢都會講解番場戲點解要咁做；每日拍完一齊食飯，佢又會講番我聽佢嘅相關經驗、同我點樣可以去更好咁裝備自己。」
冼靖峰狂刨IT資訊投入角色
「佢連Off cam之後返到屋企，都會再Text我，教我邊場邊場可以注意啲乜，臨尾仲一定加句：『希望你拍攝順利啦』。Kent哥又會同我傾偈時教我好多人生道理，用佢嘅人生經驗教我點去看待自己嘅事業。拍完套劇我就去咗拍《亞洲超星團》，Kent哥差唔多每兩、三日就同我講加油，問我咩狀況、有冇咩困難？呢啲前輩邊度搵？」與鄭則士份外投緣的Archie，坦言對方與自己已過身的爺爺很相像：「都係佻皮得嚟又有威嚴，所以對住Kent哥，我係愈嚟愈唔怕佢，一開始都驚佢架。」
Archie另外還感激樊亦敏（Amy）的提點：「我平時會睇多啲IT嘅嘢，呢個係Amy姐教我嘅，到我睇劇本時我就知個term講緊咩，就可以好有自信咁講到出嚟，咁角色嘅說服性會強好多。」除了Archie，Kent哥與蕭正楠亦有大量「廝殺」場口，在官方預告片，二人不但經常口角，其中一幕蕭正楠更會喪扯Kent哥底衫大玩對質互數，期待值爆燈。
樊亦敏擔正第一女主角
《神耆小子》除了男主角配搭新鮮，女主角組合亦是耳目一新。首先肩負配搭兩屆金像影帝鄭則士（Kent哥）的重任，落在擅長搞笑兼搞氣氛的「三太」樊亦敏身上！樊亦敏（Amy）飾演錢大海（Kent哥飾）情人知己洪玫瑰，是一名機智女公關，負責幫錢大海的「勁威威」零食集團化解各式各樣公關災難。
樊亦敏短頭髮假髮上陣
為了打造女強人感，Amy主力以套裝造型上陣，還梳了一頭清爽直短髮，Amy事後笑言其實是假髮：「我換咗呢個髮型後，好多人讚我短頭髮靚，話好年青、好Fresh。我自己都好鍾意，因為同之前嘅角色（嘅造型）唔一樣。」談到與Kent哥合作，Amy坦言開心又榮幸，更透露Kent哥其實是為食大細路：「好似我哋買零食，佢又要夾錢同食埋一份，同埋因為Kent哥好熱愛拍攝，所以對身邊每個人都好留意，會畀好多意見人。」Amy又笑言拍攝《神耆》是快樂不知時日過：「我哋成套劇好似不知不覺就拍完咗咁，因為好多嘢都好多順同夾到。」向來坦率的Amy，更預告在劇中將有性感鏡頭，萬勿錯過。
39歲傅嘉莉女學生校服look零違和感
近年在劇集中屢見突破的傅嘉莉，這次飾演大海女兒有方。劇中失婚後，由昔日的「軟弱千金」變成「獨立女性」，並誓要靠自己雙手創一番事業，為了配合角色，傅嘉莉收起性感、主力以簡潔清爽造型示人。由於劇集將穿插不少傅嘉莉與蕭正楠昔日的戀愛甜蜜畫面，Kelly其中一幕會以學生妹造型上陣。現年39歲的Kelly，穿上藍白色校服配以青澀笑容令人眼前一亮，加上佻皮又溫柔地餵Edwin食雪條的畫面，「初戀」感覺爆燈，更有不少網民留言表示想起昔日經典檸檬茶廣告：「好掂呀」、「少女感十足」、「好靚好青春」。《神耆小子》監製王偉仁，則大讚傅嘉莉演技大躍進，密切期待。
羅毓儀與冼靖峰發展感情線
至於與冼靖峰飾演一對的，則是有無綫「御用學生妹」之稱的羅毓儀（Yuki）。之前多以客串身份或少女版角色亮相劇集的Yuki，這次終擔大旗躍升女主角系列，並會與「妙音龍子」冼靖峰發展感情線；不打不相識的二人，因為一宗騙案結緣，Yuki飾演的多多，更是相關騙案幕後黑手，且背後藏有不少秘密，令一鳴對多多留下極差的第一印象…為了給觀眾帶來新鮮感，Yuki除了會以色彩鮮艷的短打造型上陣，頭髮亦加了shocking pink highlight，為可愛外表增添玩味。
神耆小子｜演員角色人物關係
- 鄭則士 飾演 錢大海
- 蕭正楠 飾演 趙子勇
- 樊亦敏 飾演 洪玫瑰
- 冼靖峰 飾演 趙一鳴
- 傅嘉莉 飾演 錢有方
- 羅毓儀 飾演 金多多
- 曹永廉 飾演 錢繼來
- 吳子冲 飾演 孫正傑
- 魯振順 飾演 聶鎮江
- 袁潔儀 飾演 李香雲
- 莊思敏 飾演 朱莉莉
- 尹詩沛 飾演 魯娟
- 周麗欣 飾演 淑嫻
- 何沛珈 飾演 裴佳瑩
- 阮兒 飾演 羅卓娜
- 袁鎮業 飾演 李學勤
同場加映：【著數慳家王】最新影片
港生活人氣娛樂新聞
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
【社群送禮🌸】送您麒麟一番搾啤酒及「和風櫻花禮品套裝」！
↓簡單一步登記贏禮物！↓
