環保團體調查指港人去年用咗3.2億利是封 等於砍伐咗16,414棵樹 近8成人用唔完免費派嘅利是封
香港人過農曆新年，最具代表性嘅活動，一定係派利是同逗利是！不過當你好開心咁，喺度數今年逗到幾多利是錢，然後旁邊有一堆「忽然無用」嘅利是封嘅時候，有無諗過從環保角度，其實係一場災難呢？！有環保團體進行調查，發現香港人去年使用逾3.2億個利是封，相當於砍伐約16,414棵樹呀！而當大家之前好努力咁，喺銀行或者商場等撲到大量免費利是封，原來約8成人係根本用唔完㗎！
============
同場加映：
【家居達人】舊衣架「重生」8種用途 鞋架、廁紙架、收納眼鏡
============
綠領行動喺去年3月至4月，以網上及實體問卷訪問共915名市民，發現受訪市民合共派發40,089個利是封，按政府2023年中期人口數字推算，全港市民過去一年共派發逾3億2,185萬個利是封，相當於砍伐咗16,414棵樹，亦即排放咗 9 ,655 噸二氧化碳，碳排放量相當於每個乘客乘坐869次單程往台北航班。而較該機構上次於2014年做嘅同類調查， 僅微跌4.09%，有 45% 市民派發較多數量（ 即 41-161個或以上）嘅利是封，較上次調查減少約 5 個百分點，但有30%市民派發較少利是封（即1- 40個） ，比上次調查大增10個百分點。綠領行動估計係因為受疫情影響，市民減少外出活動如拜年而令派發量減少。
綠領行動喺去年3月至4月做過有關利是封嘅調查，發現全港市民去年共派發逾3億2,185萬個利是封，相當於砍伐咗16,414棵樹，碳排放量相當於每個乘客乘坐869次單程往台北航班。
4 成人攞免費利是封 近 8 成人表示用唔完
至於如何獲得利是封，39%受訪市民回答係免費領取利是封，較上次調查減少7%；有關從何途徑獲得免費利是封，佔最多的為銀行(31%)，其次是大型商場(18%)，食肆 (13%)及屋苑(12%)。不過更嚴重嘅係：有多達78%受訪市民表示用唔完所有免費利是封，反映浪費情況十分嚴重！至於會點樣處理用剩嘅利是封，有50%受訪者表示會留待自己或家人重用，23% 會棄置於廢紙回收箱，僅17%會棄置於一般垃圾桶內，比 9 年前減少 9 個百分點， 反映市民重用利是封的意識唔錯 ，但有待改善。52%受訪者表示有參與環保團體嘅利是封回收行動 ，比9年前調查嘅31%大幅增加咗21個百分點，反映市民對回收利是封嘅反應更正面。
39%受訪市民回答係免費領取利是封，途徑包括銀行及大型商場，可借近8成人表示根本用唔完。
52%受訪者表示有參與環保團體嘅利是封回收行動 ，比9年前調查嘅31%大幅增加咗21個百分點。
67%受訪市民無回收賀年物品習慣
此外，除咗利是封，今次調查亦發現67%受訪市民並無回收賀年物品，如桃花及年桔等嘅習慣；新年期間亦有唔少市民會食盆菜，今次調查中，亦有問到如果食肆回收並重用自家售賣嘅盆菜盆，市民會否願意使用，結果68% 表示願意使用，19%表示唔願意使用，當中62% 指出係因為衞生考慮而唔願意使用，綠領行動認為結果係反映咗市民欠缺相關意識，回收渠道亦不足所致。而該會喺新年期間舉行盆菜盆回收活動，共回收超過252個盆菜鐵盆及超過76個餸隔，並已轉送狗場、農場及有需要人士。
今次調查亦發現67%受訪市民並無回收賀年物品，如桃花及年桔等嘅習慣。
今次調查亦有問到如果食肆回收並重用自家售賣嘅盆菜盆，市民會否願意使用，結果68% 表示願意使用，19%表示唔願意使用。
text/joyce
photo/HKET圖片庫、綠領行動
港生活人氣本地熱話
↓【限時搶⚡】factiv CAT1 離子保濕潔膚乳↓
↓潔面、保濕、修復三效合一｜持續保濕洗面後不繃緊↓
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
