匯豐/中銀/渣打/恒生 換新鈔安排懶人包、發電子利是可參加$8,888大抽獎
仲有唔到一個月就係農曆新年，開始要辦年貨，要派利是嘅朋友，就會多一項工作：去銀行換新鈔封利是！匯豐、中銀、渣打及恒生4大銀行，已經為換新鈔作出特別安排，包括提早網上預約到銀行換新鈔日期，有需要嘅朋友真係要mark低喇！
為咗滿足農曆新年期間封利是嘅季節性需求，三間發鈔銀行，包括香港上海匯豐銀行、渣打銀行（香港）及中國銀行（香港），其實會額外印製新鈔票；另一方面，發鈔銀行嘅金庫，會利用大型鈔票清分機從回流嘅鈔票中，揀選出狀態良好、外觀猶如全新鈔票嘅，作為「迎新鈔」，特別適合用嚟封利是。
而三大發鈔銀行，聯同金管局共同宣布，將於1月25日至2月9日期間，為市民提供新鈔及迎新鈔兌換服務。三間發鈔銀行會採取以下措施，會於下周內公布有關服務詳情：
1.於提供換鈔服務嘅首三天，即1月25日（星期四）至1月27日（星期六），提早營業時間至8am，並將8am-9am專門用作換鈔服務
2.於1月18日（星期四）起提供網上預約兌換新鈔及「迎新鈔」服務
3.實施人流管理措施，例如喺有需要時，向排隊輪候嘅市民派籌及作出分流安排
有相為證！幾年前市民為咗換新鈔，真係排長龍圍住銀行兜咗一個圈呀！
A.匯豐銀行：全港首個自動櫃員機「迎新鈔」提款服務
匯豐銀行將於1月25日至2月9日期間實施特別安排，以及推出全港首個自動櫃員機「迎新鈔」提款服務。客戶可於1月25至31日期間，喺旺角、觀塘及屯門市廣場分行嘅理財易中心、以及三間覆蓋全港18個公共屋邨嘅流動銀行指定自動櫃員機提取港幣$20及港幣$50「迎新鈔」。此外，客戶亦可使用匯豐流動理財應用程式上嘅電子利是，向親友表達新年祝福。
匯豐銀行推出全港首個自動櫃員機「迎新鈔」提款服務，客戶可於1月25至31日期間，喺旺角、觀塘及屯門市廣場分行嘅理財易中心，以及三間流動銀行指定自動櫃員機，提取迎新鈔。
換新鈔安排：
1.上網預約
1月18日起，客戶可經流動理財（完整版及簡易版）或滙豐香港網站，預約於1月25日至2月9日期間，到分行兌換新鈔套裝及「迎新鈔」套裝，每份套裝總值港幣$3,000或港幣$6,000。
2.提早1小時營業
於1月25日至27日，會提早1小時，即8am開始營業，客戶可於早上前往分行即場取籌，並於同日指定時間到該分行兌換新鈔。客戶如未有領取籌號或網上預約，亦可於分行兌換「迎新鈔」。
3.特定客戶預留新鈔
滙豐尚玉及滙豐卓越理財客戶可聯絡客戶經理預留新鈔，以便於所選擇的時間及分行領取。
於1月25日至27日，各分行會提早1小時，即8am開始營業，客戶可於早上前往分行即場取籌。
滙豐新鈔套裝：
每份總值港幣$3,000，當中包括100張港幣$20新鈔及20張港幣$50新鈔，分行屆時會設有特快櫃枱，為持有有效籌號嘅客戶，換領一套新鈔套裝。客戶如未有領取籌號或網上預約，亦可於分行兌換「迎新鈔」。 若屆時出現突發情況影響分行運作，滙豐會以短訊方式通知已預約客戶最新安排。
B.中國銀行（香港）：發電子利是可參加$8,888大抽獎
由1月25日起，中銀香港分行將提供「新鈔」及「迎新鈔」兌換服務。
換新鈔安排：
1.上網預約
1月18日起，客戶可預先透過手機銀行及中銀網頁預留「新鈔標準裝」及「迎新鈔」。
2.提早1小時營業
1月25日至27日，會提前1小時，即8am營業，設有兌換新鈔專用櫃枱及派籌登記服務。
1月18日起，中國銀行客戶可預先透過手機銀行及中銀網頁預留「新鈔標準裝」及「迎新鈔」。
中銀新鈔套裝：
中國銀行全線分行將在1月25日起，提供新鈔及「迎新鈔」，設有總值港幣$3,000嘅「新鈔標準裝」，包括100張港幣$20及20張港幣$50新鈔。
電子利是：
中銀將在BoC Pay及手機銀行提供「Phone利是」服務，推出時尚節慶主題電子利是封，每次可發出10封電子利是，並可參與獎賞高達港幣$8,888的大抽獎，如使用BoC Pay派發更可享額外獎賞，派得愈多賞得愈多。
C. 渣打銀行：網上預訂新鈔/迎新鈔套裝
渣打銀行將於1月25日至2月9日提供兌換新鈔及迎新鈔服務，同時推出網上預訂新鈔兌換服務，又於分行作出特別安排。
換新鈔安排：
1.上網預約
1月18日9am起至2月8日，客戶可於渣打香港網頁預訂新鈔/迎新鈔套裝，並於指定時段到指定分行領取。
網上預訂新鈔套裝總值(每套)﹕港幣$3,000
包港幣$20 (總值$2,000 / 100 張)及港幣$50 (總值$1,000 / 20張)
網上預訂迎新鈔套裝總值(每套)﹕港幣$1,000
– 港幣$50 (總值$1,000 / 20張)
新鈔 +「迎新鈔」套裝：港幣$4,000
– 100張港幣$20元新鈔、20張港幣$50新鈔；及20張港幣$50「迎新鈔」
「優先理財」及優先私人理財客戶，可聯絡客戶服務經理預留新鈔/迎新鈔套裝，以便於所選擇的時間及分行換領。
2.提早1小時營業
全線分行首3天（1月25日至27日）會提早於8am開始提供兌換新鈔及迎新鈔服務，而在上午8至9am，所有分行櫃位將只會提供新鈔及迎新鈔兌換服務。
3.電子利是
由1月下旬起，於SC Mobile App「轉賬及付款」點擊「e-利是」，成功派發後與親友分享新年祝福貼圖。
4.指定分行設長者專屬櫃位及座位
為方便長者兌換新鈔及迎新鈔，渣打於以下分行設有長者專屬座位或櫃位：
鰂魚涌分行、香港仔分行、德輔道中分行、188德輔道中分行、太古城中心分行、旺角分行、觀塘分行、沙田廣場分行、元朗分行、屯門分行
D.恒生銀行：25/1起提供換新鈔服務
從本月25日起，恒生所有地面分行都將提供新鈔兌換服務。
換新鈔安排：
1.上網預約
從1月23日起，客戶可以透過恒生e-Banking分階段進行網上預約，選擇特定的日期、時間及分行以換取一套新鈔套裝。
新鈔套裝：港幣$4,000，內含50張$20新鈔、20張$50新鈔及20張$100新鈔
2.提早半小時營業
在1月25日至27日的期間，分行將提前至8:30am開始營業
3.優越私人理財和優越理財客戶預約服務
恒生優越私人理財和優越理財客戶，可以透過恒生Mobile App上的Prestige RM Connect功能預約，並利用WhatsApp或WeChat等即時通訊軟件與專屬客戶經理聯繫，於1月25日起預約到分行兌換新鈔，直至新鈔換完為止。
text/Joyce
photo/HKET圖片庫
港生活人氣本地熱話
【請您睇戲】投選您心目中的金像獎影帝影后🫅🏻👸🏻
↓立即投票贏禮物！↓
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
