飛蛾入屋迷信媽媽下「禁殺令」 怕蟲女：佢話爺爺清明返嚟搵我哋！ 附附預防飛蛾入屋貼士！
踏入春夏常有昆蟲入屋，一名害怕飛蟲的女生於討論區發帖，指「一到清明，阿媽見到昆蟲就話係先人返嚟搵我哋...」，命令她不淮噴殺蟲水殺死飛蛾，害她驚足全晚，希望母親「理智少少」，旋即引起網民熱烈討論！
樓主指母親為人迷信，近日有隻都頗大隻的飛蛾飛入屋，在客廳燈飛了很久都不肯走，由於樓主及姐姐都害怕會飛的昆蟲，正想到廁所拿殺蟲水噴死牠，卻被母親阻止，並解釋「昆蟲一到大時大節飛入屋，肯定係你個爺爺返嚟搵我哋，仲叫千祈唔好噴死佢，如果唔係到時清明去拜山對啲祖先真係大不敬咁話......」
樓主續稱姐姐已經驚到衝入房，但母親卻叫她倆任由飛蛾在家中亂飛，建議「真係唔肯走嘅就拎個拍趕佢走算！」樓主表示滿腦子問號：「如果日日都有昆蟲飛入屋，係咪全部都係我哋啲阿爺同阿公返嚟探我哋？」最後飛蛾在廳飛足成晚終於肯飛走，但樓主對於迷信母親非常不滿：「可唔可以理智少少？」
有網民認同其母想法，表示「寧可信其有」、「每年拜山嘅時候，老人家都係咁講」；亦有人分享自身經歷：「我屋企從來冇飛蛾入屋，我家姐結婚嗰晚係唯一一次，阿媽話係阿婆」、「清明唔知，但死後嗰一個禮拜飛蛾返歸係真㗎，以前炒散看更，年中飛入 3 次，2 次都係有客過身。」
當然有網民持相反意見：「當然要順從媽媽的意思，不過佢有佢信，你有你不信。而我當然係唔信喇」、「以佢嘅邏輯，仙人成遊魂野鬼，冇得輪迴」、「屋企成日都有蚊有曱甴，係咪唔好理佢」......
亦有網民認為應避免無謂殺生：「多，冇計。少，用膠袋捉到，放生。」不過小編認為既然怕蟲，又怎會夠膽活捉昆蟲？與其驅趕，倒不如防止牠們進入室內更重要。
【預防飛蛾入屋的小貼士】
「莊臣集團綠色害蟲管理有限公司」總經理 Keith 指飛蛾是家中常見的害蟲之一，喜歡吸食衣物和紙張上的汁液，容易造成家中物品的損壞。以下是一些預防飛蛾入屋的小貼士：
1.定期清潔家中各個角落：清潔家中的灰塵和污垢，能夠防止飛蛾在家中找到食物和棲息的地方。
2.使用防蟲產品：市面上有許多防蟲產品，如防蟲蟲液，可以噴灑在家中各個角落或紗窗，預防飛蛾進入。
3.收納衣物和紙張：將衣物和紙張收納整齊，並且放在密封的盒子或袋子中，能夠有效地防止飛蛾尋找到它們的食物。
4.定期換洗床單和窗簾：床單和窗簾上的污垢和汗水會吸引飛蛾，定期更換能夠減少飛蛾的入侵。
5.注意食物儲存：食物和食品儲存要避免暴露在空氣中，使用密封的食物盒子或袋子能夠防止飛蛾入侵。
6.定期清洗廚房：飛蛾容易在廚房找到食物，定期清洗廚房和餐具能夠減少飛蛾的出現。
text/zuki
photo/經濟日報圖片庫、unsplash
source/香港討論區
========
同場加映：
【蝸居睇樓團】鴨脷洲37年舊樓變身玩味彩色屋+西班牙風花磚襯湖水綠色、chill爆全白天台
港生活人氣本地熱話
【請您睇戲】投選您心目中的金像獎影帝影后🫅🏻👸🏻
↓立即投票贏禮物！↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
