張繼聰 x林明禎「談情說愛」玩Sip or Speak自爆長期做兵
「酒後吐真言」係咪真？睇張繼聰及林明禎呢對好拍檔就知係真啦！繼《飯氣攻心》後再首合作嘅張繼聰與林明禎，早前兩位齊齊應蘇格蘭單一麥芽威士忌品牌THE SINGLETON邀請，拍攝最新Sip or Speak短片系列，啱啱正式喺各大頻道發佈，片中兩人唔單只大玩卡牌遊戲，回答問題時更毫無保留，大揭過去情史，唔少更係絕密秘聞，張更笑言自爆後恐有「生命危險」，即刻飲返杯輕鬆下，在場工作人員都笑不攏嘴，錄到唔捨得收工！
立即睇完整版：
抽Spicy卡牌 揭當兵心路歷程
今次拍攝就以玩Sip or Speak遊戲為主軸，估唔到兩位完全不避嫌，更真情流露靈將不為人知嘅內心世界揭露觀眾眼前。而張繼聰（Louis）與太太謝安琪（Kay）嘅一段情史，喺過往更係唔少網民茶餘飯後嘅話題，轟烈程度絕非一般人所能承受；偏玩Sip or Speak時Louis抽中「Spicy」牌，問及最轟烈嘅一段愛情，Louis即大玩自爆：「Kay好識得將自己『吊高嚟賣』，經常同我講『你未追到我㗎』，搞到我長期都好似仲係做緊『兵』咁，到依家都仲係好緊張。」不過Louis亦即時補飛，大讚Kay係完美情人，明禎更驚嘆呢位真阿嫂「高招」，一定要學呢招！Louis拍攝前收到Sip or Speak遊戲卡牌，細閱問題後都知道「有難度」，殊不知真係抽到又要飲又要講嘅牌，唯有爆出向太太「報細數」買車一事。
廣東話成笑料 菠蘿油當「籮柚」
至於來自馬來西亞嘅明禎，廣東話未算好流利；當初嚟到香港工作更係笑料百出。當Louis問明禎有冇因為不諳廣東話而發生趣事時，明禎就透露自己一直好鍾意食菠蘿油，但就一度誤以為菠蘿油就等於「籮柚」（屁股），所有講到「屁股」嘅都可以用「籮柚」嚟形容，既然係食得落肚，應該算係比較斯文嘅說法：「所以我都會話『我好鍾意自己個籮柚，好大好靚㗎。』」Louis聽完就慢慢解釋用語意思！
彭秀慧 岑珈其 師徒緊接第二擊
Louis及明禎嘅精彩短片已經喺各大平台公開播放！緊接住兩人嘅仲有彭秀慧與岑珈其呢對師徒組合，一齊碰杯玩Sip or Speak！已為人父嘅岑珈其更大爆初吻尷尬史！咁好玩嘅Sip or Speak卡牌遊戲詳情會喺＠TheSingleton_HK社交媒體上公佈。
而擁有3間酒廠嘅The Singleton，係蘇格蘭歷史最悠久酒廠之一，酒液以自然芳醇和順滑聞名，特別適合亞洲人口味。更罕有地採用自家種植麥芽，以長期發酵和慢蒸餾方法，透過純淨雨水及All't Fionnaidh泥土，再配合歐洲和美國制的橡木桶中平衡熟成，先能釀造出品牌獨有嘅芳醇順滑口感，並成為與好友把酒談歡最佳選擇。
左：The Singleton of Glen Ord 12年單一麥芽威士忌
閃爍的琥珀色澤下帶來了豐郁成熟的果香，滲出香桃、乾橙皮、成熟山楂及水果等甜味外，更散發出陣陣杏仁香氣及花香；入口略帶薑汁的刺激感，隨之而來的是麥芽與杏仁拖肥糖的香味、並以黑朱古力與肉桂香氣作結。
中：The Singleton of Glen Ord 18 年單一麥芽威士忌
色澤深邃如烤過拖肥糖般溫暖，濃郁杏仁油香氣伴隨着過熟橙味及無花果乾氣息，層次豐富，尾韻帶有一絲肉桂及玫瑰風味，讓味蕾留下杏仁糖般的香甜。
右：The Singleton of Glen Ord 15年單一麥芽威士忌
清新奔放、層次口感濃滑香醇，配搭甜品最能激發酒食體驗！色澤呈深紅琥珀、前調滿載花香、哈密瓜及雲呢嗱味，優雅香甜；稀釋後則帶有青草、蘋果梳打及人蔘氣味，口感呈現檀香木，甜美帶有整體柔和的酸味。
Source：The Singleton
港生活人氣本地熱話
【Chill Guide旅遊指南😎】日韓台泰越深圳2025行程攻略✈️
↓即睇最新行程懶人包、爆紅打卡點🔥、必吃美食😋等↓
↓【限時搶⚡】原箱高鈣梳打餅↓
↓黑芝麻 / 芥末味｜口感香脆、高鈣健康↓
